<<為咗國家，您願唔願意早啲死呢？>>
今日不談政治，只談生老病死 ...呢件事好黐線，我知道好多人好鍾意睇嗰啲，幾分鐘睇完一部電影，我今日好想大家用幾分鐘「睇」完一本書。冇錯喇，我今日會進行「書」透，想介紹一本，我用咗幾日就幾乎睇哂嘅一本日本小說，係由日本知名作家坦谷美雨寫嘅<<70歲死亡法案，通過>> ...
本書係一本老人家睇到會心寒，後生仔睇到會心涼，兼且拍案叫絕嘅一本書。
話說大家都知道日本人非常長壽，佢哋亦都要面對好嚴重嘅人口老化問題，作者假定日本定立並且通過咗一條法例， 所有年滿70歲嘅人，都要即刻安排安樂死，呢條法案通過之後嘅兩年內，70歲以上嘅人必需要申請安樂死。
小說入面係講述，通過呢條法案之後，老人家同埋後生之間嘅矛盾同鬥爭。日本嘅國會議員好多都年近70歲，但都支持呢個法案，佢哋其實好多係有外國國籍。 呢件事係唔係好似曾相識？ exactly好似香港嘅親中派議員擁有外國國籍一樣，呢班人喺製定法案嘅時候，根本上就唔理窮人同埋冇錢移居海外嘅人嘅死活， 因為 佢哋一早就已經有後著。
呢條七十歲死亡法案通過，係勾起咗成個社會，老年人同後生仔嘅世代矛盾 …
有好多新抱，要照顧行動不便嘅奶奶或者老爺，因為呢條法案，感到莫名嘅興奮，好想奶奶同老爺快啲死， 早啲甩難。
好多年近五六十歲嘅打工一族即刻申請裸辭， 越接近 70歲，生命就倒數緊，大家覺得唔再需要為公司搏命，應該為自己淨返落嚟短暫嘅生命，做返啲自己想做嘅嘢， 亦都因為大家嘅生命短咗，唔再需要預留一筆錢將來醫病同埋退休，可以闊綽啲洗盡佢，即刻實現還遊世界，豪玩嘅大計。
夫妻之間會盤算， 邊個死先，爺孫戀嗰啲就慘喇，但當然啦，如果你係何艷娟，你應該感到莫名嘅興奮，開心跳起yeah.
反觀後生仔，老人家早啲死，工作上有更多上位嘅機會，好多五六十歲嘅人辭職，而且如果大家嘅生命只係可以維持到70歲，所有嘅政府稅項都可以交少好多，醫療保障退休金都可以唔使交，令年青人嘅負擔一下減到最細。對於一個老人家越嚟越多，後生仔越嚟越少嘅社會，呢一個政策，係對成個社會都有益無害
所以推行呢個政策嘅人，就問所有嘅國民：你願唔願意為咗年輕人， 為咗下一代，為咗國家，早啲死呢？
書入面有幾段精彩嘅節錄，好值得同大家分享 …
「永遠都是這樣，因為老人家人口佔了壓倒性多數，老人家的意見就是全體的意見」 … 呢個就係exactly香港嘅問題，隔離嘅低質人不停輸入香港，佔咗壓倒性嘅多數，香港人變左minority, 所以大陸人嘅所謂意見，就扭曲成全體「香港人」嘅意見。大家想像下，如果今日大家擁有一人一票，相信投票嘅結果，香港人都係輸。
「老人家太幸福了 ….. 咖啡店 …….平日的客人有八成都是老人，看他們一大早就在那開心地高聲聊天就覺得一肚子火，明明就對社會沒有任何貢獻卻靠著年金在哪裏盡情享受第二人生 …… 就算我找到工作了也不想繳年金給這些老人用，我聽說我們這一代就連繳出去的拿不拿得回來都是個問題，為什麼一直以來政府都這樣放任這種世代間嘅貧富差距呢？」 ….睇完我感同身受，想問點解我要努力工作，供養來港令到我哋全盤皆輸嘅單程證大陸人？
「老爸因為70歲死亡法而選擇提前退休，已經出門環遊世界去了，還真是優哉呢，就是因為中老年人都這樣，日本才會沉淪，只要一有個什麼，他們就會說現在的年輕人， 但自己才想回他們，那你們又好到哪裏去」 …睇完我想問香港嘅老人家係指責年青人之前， 點解唔諗吓自己後生個時比而家啲後生更廢呢？
香港而家好想將矛頭指向年青人，將最壞嘅罪名都加諸喺後生仔身上，將回復社會秩序嘅責任卸咗落去年青人身上，後生仔可以付出一切嘅時候，想問啲老人家願唔願意為香港做返啲嘢？齋談判同對話就work? 唔好講為國家死，退一萬步，喺年青人嘅角度代入佢哋嘅諗法，多啲包容同體諒，得唔得呢？
Search